Yurgen Klopp "Chelsi"ning yangi o‘yinchilar uchun katta xarajatlari haqida fikr bildirdi.

London klubining yangi egalari transferlar uchun 372 million funt sarfladi. Bonuslarni hisobga olgan holda, summa 400 million yevrodan oshadi.

"Ularning xarajatlari qiziq. Lekin buni tushuntirib berolmayman. Agar bu raqamlarning barchasi to‘g‘ri bo‘lsa, bu juda ta’sirli.

- "Chelsi"ning harajatlari sizni xavotirga solmoqdami?

- Menimcha, "Chelsi" keyingi 10 yilni xuddi shunday o‘tkaza olmaydi. Bilmayman. Balki o‘tkaza olishar. Kelajakda investisiyalar to‘xtaydi deb o‘ylamayman. Va bu shuni anglatadiki, biz ham buni qilishimiz kerak.

Boshqa tomondan, men murabbiylikka ishonaman, men rivojlanishga ishonaman, jamoa qurishga ishonaman - bu narsalardan 100 foiz foydalanish kerak.

Agar siz yangi jamoa tuzsangiz, bu uni har yili yangilash kerak degani emas. Gap shundaki, o‘yinchilarga oldinga qadam tashlashga imkon berish kerak. Bizda shunday futbolchilar bor.

Boshqa klublarni harajatlari haqida qayg‘urmaslik kerak. Bunday vaziyatlarga munosabat bildirishimiz kerak, ammo boshqa jihatlari ham bor", - dedi "Liverpul" bosh murabbiyi.