"Манчестер Юнайтед" Робин ван Персини харид қилгач, янада кучайди ва Англия Премьер-лигасида чемпионлик учун бош даъвогарга айланди, деди "Манчестер Сити" бош мураббийи Роберта Манчини.
Жумани куни Англия чемпионатининг энг яхши тўпурари "Манчестер Юнайтед" билан тўрт йиллик шартномага имзо чекди.
"Робин ван Перси – сўнгги мавсумда лиганинг энг яхши тўпурарига айланган топ-футболчи. Уэйн Руни билан биргаликда улар Премьер-лиганинг энг яхши ҳужум жуфтлиги бўла олишади. Ван Персидек ўйинчини харид қилган ҳар қандай жамоа сезиларли даражада кучайиши тайин, шу сабабли "Манчестер Юнайтед" чемпионлик учун бош даъвогарга айланди, деганда асло ҳазиллашмаяпман", - дея Манчини сўзларини келтиради Daily Mail.
"Сити" мураббиий унинг жамоасида ван Персини сотиб олиш учун имконият бўлмаганини айтиб ўтди, чунки клуб топ даражадаги бешинчи ҳужумчини харид қилишни ўзига эп кўрмаган.
Ўтган чемпионатда "Манчестер Сити" 1968 йилдан буён илк марта Англия чемпиони бўлган. Бу ҳолда "шаҳарликлар" ҳамшаҳарлари билан бир хил очко тўплаб, қўшимча кўрсаткичлар эвазига улардан ўзишган. Сўнгги мавсумда ван Перси "Арсенал" таркибида 38 та ўйинда майдонга тушиб, 30 та гол урган эди.
