«Барселона»нинг собиқ сардори Жерар Пике аввалроқ раҳбариятга «Вильярреал»дан ярим ҳимоячи Даниэль Парехони сотиб олишни маслаҳат берганди. Бу ҳақда Испаниянинг Diario AS нашри хабар бермоқда.
Эслатиб ўтамиз, сўнгги пайтларда Парехонинг «Барселона»га ўтиши ҳақидаги миш-мишлар кучайганди. Улар испанияликни мавсум охирида текинга кетиши мумкин бўлган Серхио Бускетсга ўринбосар сифатида кўрмоқчи.
33 ёшли Парехо «Вильярреал»да 2020 йилдан бери ўйнаб келмоқда. Даниэль «Реал Мадрид» тарбияланувчиси ҳисобланади.
Парехонинг «Вильярреал» билан шартномаси кейинги мавсум охирида тугайди.
