"Стад де Франс"ни бошқарадиган VINCI Concessions компанияси президенти Пьер Коппи "ПСЖ" ўйинларини ўтказишга тайёрлигини айтди.
"Биз "ПСЖ"га ўттиз йилдан бери "Стад де Франс"да ўйнашни таклиф қилмоқдамиз. Аммо раҳбарият ва мухлислар бизга ҳар доим бу таклиф қизиқ эмаслиги ҳақида жавоб беришган", — дея Коппи сўзларини келтиради RMC Sport.
Аввалроқ "ПСЖ" раҳбарияти уй стадионини реконструкция қилиш ва арена сиғимини 48 дан 60 минг ўринга ошириш учун 500 миллион евро сарфлашга тайёрлиги хабар қилинганди. Бироқ Париж клуби стадионни тўлиқ назоратга олган тақдирдагина қурилишга сармоя киритишга тайёр ва ҳозирданоқ 40 миллионлик таклиф билан чиққан. Франция клуби Евро-2016 учун стадионни реконструкция қилиш учун аллақачон 85 миллион евро сармоя киритган. Клуб аренани 30 йилга ижарага олди. Париж мэри Анн Идалго “Парк де Пренс” стадиони “ПСЖ”га сотилмаслигини айтди.
