Испаниянинг "Вальядолид" клубини ўнг қанот ҳимоячиси Иван Фреснеда яқин кунларда Англия Премьер-лигасига кўчиб ўтади.
Журналист Давид Орнштейн хабарига кўра, 18 ёшли ҳимоячи Лондоннинг "Арсенал" жамоасига ўтади. Трансфер суммаси 15 миллион еврони ташкил қилади.
Бироқ Фреснеда трансферни якунлаши биланоқ, у мавсумни ижара асосида якунлаш учун "Вальядолид"га қайтади. Иван "Арсенал" сафида фақат кейинги мавсумда дебют қилиши мумкин.
Аввалроқ, "Реал" Фреснедага қизиқиш билдирганди, аммо "қироллик клуби" испаниялик футболчини трансфер қилиш бўйича аниқ чоралар кўрмади. Иван Ла Лиганинг жорий мавсумида 10 та ўйин ўтказди.
