Россия клубларини УЕФА шафелигидаги турнирларда иштирок этишдан четлаштириш яқин келажакда ҳам ўз кучида қолади, деб ёзади «РИА Новости Спорт» «Sky News»га таянган ҳолда.
Аввалроқ, 24 январь куни УЕФА офисида РФУ ва УЕФА вакилларининг учрашуви режалаштирилгани, унда Россия клубларининг халқаро ўйинларга қайтиши учун потенциал имкониятлари муҳокама қилиниши ҳақида хабар берган эдик.
2022 йилнинг 28 февралида УЕФА ва ФИФА Россия клублари ва терма жамоаларини халқаро мусобақаларда иштирок этишини тўхтатганди.
Сентябрь ойида эса УЕФА Россия терма жамоасига Европа чемпионати-2024 саралаш турнирида иштирок этишга рухсат бермади.