Римнинг «Лацио» клуби бош мураббийи Маурицио Сарри Италия А Серияси доирасида «Милан» устидан қозонилган йирик ҳисобдаги ғалаба ҳақида фикр билдирди.
«Ҳакам финал ҳуштагини чалиши биланоқ, бизни «Фиорентина»га қарши жуда қийин ўйин кутиб турибди, деб ўйладим.
Бизда анчайин иштиёқли футболчилар бор. Бир неча кун олдин бизга Италиянинг энг ёмон жамоаси, бугун эса энг яхши жамоа деб қарашмоқда. Ҳозирда мувозанатни сақлашга эришиш энг муҳим жиҳатдир.
Биз узоқ муддатли режалар ҳақида ўйламаслигимиз керак, шунчаки ўйиндан ўйинга ўсишимиз ва кечаги адреналин даражасини сақлаб қолишимиз керак. Бу «Лацио»нинг энг яхши ўйини бўлди», — деди Сарри.
