Rimning «Lasio» klubi bosh murabbiyi Maurisio Sarri Italiya A Seriyasi doirasida «Milan» ustidan qozonilgan yirik hisobdagi g‘alaba haqida fikr bildirdi.
«Hakam final hushtagini chalishi bilanoq, bizni «Fiorentina»ga qarshi juda qiyin o‘yin kutib turibdi, deb o‘yladim.
Bizda anchayin ishtiyoqli futbolchilar bor. Bir necha kun oldin bizga Italiyaning eng yomon jamoasi, bugun esa eng yaxshi jamoa deb qarashmoqda. Hozirda muvozanatni saqlashga erishish eng muhim jihatdir.
Biz uzoq muddatli rejalar haqida o‘ylamasligimiz kerak, shunchaki o‘yindan o‘yinga o‘sishimiz va kechagi adrenalin darajasini saqlab qolishimiz kerak. Bu «Lasio»ning eng yaxshi o‘yini bo‘ldi», — dedi Sarri.
