Суперлиганинг содиқ тарафдорлари Европа суди қарорини кутиб, резонансли лойиҳани ишлаб чиқишнинг янги вариантларини кўриб чиқишмоқда.
Лойиҳа яратувчилари Европанинг 50 дан ортиқ клублари билан музокаралар олиб борган ва турнирнинг янгиланган версияси анча очиқ бўлишига қарор қилган, деб хабар беради Mundo Deportivо.
Янги форматда Португалия, Нидерландия ёки Дания каби 12 мамлакатдан 50 та жамоа иштирок этади. Шунингдек, Суперлига иш ҳақи харажатларини чеклаш учун қаттиқ фэйр-плейни жорий қилишни режалаштирмоқда. Қоидаларни бузган ҳар бир киши четлатилади.
Эслатиб ўтамиз, 2021 йилнинг 18 апрелида 12 та клуб Суперлига деб номланган ўз турнирини ташкил этишини эълон қилган эди, бироқ жамоа ва УЕФА босими остида лойиҳа 2 кун ичида амалда тўхтаб қолди. "Барселона", "Реал" ва "Ювентус"дан ташқари барча жамоалар унда иштирок этишдан бош тортганликларини эълон қилишганди.
