Ўзингизга маълум, янги футбол мавсуми олдида "Насаф" таркибида ўзгаришлар юз берди.
"Ўтган мавсумда жамоамиз таркибида тўп сурган россиялик ярим ҳимоячи Иван Соловёв, ҳимоячи Дилшод Саитов, ярим ҳимоячи Шароф Муҳитдиновлар жамоамизни тарк этишди. “Насаф” клуби ушбу футболчиларга ҳамкорлик учун миннатдорчилик билдириб, кейинги фаолиятларига омад ва зафарлар тилаб қолади.
Шунингдек, жамоамизнинг яна бир ярим ҳимоячиси Муродбек Раҳматов Навоийнинг “Қизилқум” жамоасига ижарага берилди.
Жамоамизни тарк этган футболчилар ўрнига янги футболчилар билан шартнома имзоланганидан хабарингиз бор. Хусусан, ўтган мавсумда “Қўқон-1912” жамоасида ҳаракат қилган Жавоҳир Сиддиқов, Навоийнинг “Қизилқум” жамоасида ўйнаган ярим ҳимоячи Шуҳрат Муҳаммадиев ва Тожикистоннинг миллий терма жамоаси аъзоси Муҳаммаджон Раҳимов жамоамизга таклиф этилди" - дейилади "Насаф"нинг матбуот хизмати тарқатган хабарда.
Эслатиб ўтамиз, қаршиликлар хорижий йиғинни ўтказиш учун 27 январь куни Туркияга учиб кетишади.
