O‘zingizga ma’lum, yangi futbol mavsumi oldida "Nasaf" tarkibida o‘zgarishlar yuz berdi.

"O‘tgan mavsumda jamoamiz tarkibida to‘p surgan rossiyalik yarim himoyachi Ivan Solovyov, himoyachi Dilshod Saitov, yarim himoyachi Sharof Muhitdinovlar jamoamizni tark etishdi. “Nasaf” klubi ushbu futbolchilarga hamkorlik uchun minnatdorchilik bildirib, keyingi faoliyatlariga omad va zafarlar tilab qoladi.

Shuningdek, jamoamizning yana bir yarim himoyachisi Murodbek Rahmatov Navoiyning “Qizilqum” jamoasiga ijaraga berildi.

Jamoamizni tark etgan futbolchilar o‘rniga yangi futbolchilar bilan shartnoma imzolanganidan xabaringiz bor. Xususan, o‘tgan mavsumda “Qo‘qon-1912” jamoasida harakat qilgan Javohir Siddiqov, Navoiyning “Qizilqum” jamoasida o‘ynagan yarim himoyachi Shuhrat Muhammadiyev va Tojikistonning milliy terma jamoasi a’zosi Muhammadjon Rahimov jamoamizga taklif etildi" - deyiladi "Nasaf"ning matbuot xizmati tarqatgan xabarda.

Eslatib o‘tamiz, qarshiliklar xorijiy yig‘inni o‘tkazish uchun 27 yanvar kuni Turkiyaga uchib ketishadi.