Мюнхеннинг "Бавария" клуби "Челси" ҳужумкор ярим ҳимоячиси Кай Хаверц трансферига қизиқиш билдирмаган, дея хабар берди Sky Sports телеканали.
Аввалроқ, мюнхенликлар 23 ёшли германиялик футболчига жиддий қизиқиш билдиргани, "Челси" эса трансфер учун 65 миллион евро сўрагани маълум бўлганди.
Англия Премьер-лигасининг жорий мавсумида Хаверц 19 та ўйинда майдонга тушиб, 5 та гол урди ва битта голли узатмани амалга оширди.