"Барселона" ҳимоячиси Алекс Бальде жамоанинг Испания кубоги 1/4 финалида "Реал Сосьедад" устидан қозонилган ғалабани (1:0) юқори баҳолади. Ғалаба голини Усмон Дембеле киритди.
“Мен Дембеле жамоамизда эканлигидан фахрланаман. У жуда кўп фойдали фазилатларга эга, у ҳужумга кўп нарсани беради. Биз ушбу Испания кубогини ютмоқчимиз, бу бизнинг мақсадимиз. Олдинда учта ўйин қолди", - деди ҳимоячи Football Espana нашрига.
“Барселона” турнирнинг биринчи ярим финалчисига айланди. Рақиб қуръа натижасига кўра маълум бўлади.
