"Barselona" himoyachisi Aleks Balde jamoaning Ispaniya kubogi 1/4 finalida "Real Sosyedad" ustidan qozonilgan g‘alabani (1:0) yuqori baholadi. G‘alaba golini Usmon Dembele kiritdi.
“Men Dembele jamoamizda ekanligidan faxrlanaman. U juda ko‘p foydali fazilatlarga ega, u hujumga ko‘p narsani beradi. Biz ushbu Ispaniya kubogini yutmoqchimiz, bu bizning maqsadimiz. Oldinda uchta o‘yin qoldi", - dedi himoyachi Football Espana nashriga.
“Barselona” turnirning birinchi yarim finalchisiga aylandi. Raqib qur’a natijasiga ko‘ra ma’lum bo‘ladi.
