"Бавария" ярим ҳимоячиси Райан Гравенберх қишки трансфер ойнасида жамоасини ўзгартириши даргумон, деб ёзади инсайдер Фабрицио Романо ўзининг ижтимоий тармоғида.
Манбага кўра, кўплаб клублар нидерландиялик футболчини ижарага олиш сўрови билан чиққан, аммо мюнхенликлар январь ойидаги трансфер ойнасида ярим ҳимоячини қўйиб юбориш ниятида эмас.
Жорий мавсумда футболчи Германия чемпионатида “Бавария” сафида 11 та ўйин ўтказди ва уларнинг аксариятида ўйиннинг охирларида захирадан майдонга тушди. Футболчи ҳисобида самарали ҳаракатлар йўқ.
Мюнхеннинг “Бавария” клуби 17 учрашувда 36 очко тўплади ва Германия Бундеслигасининг 2022/2023 йилги мавсумдаги турнир жадвалида биринчи ўринни эгаллаб турибди.
