"Bavariya" yarim himoyachisi Rayan Gravenberx qishki transfer oynasida jamoasini o‘zgartirishi dargumon, deb yozadi insayder Fabrisio Romano o‘zining ijtimoiy tarmog‘ida.
Manbaga ko‘ra, ko‘plab klublar niderlandiyalik futbolchini ijaraga olish so‘rovi bilan chiqqan, ammo myunxenliklar yanvar oyidagi transfer oynasida yarim himoyachini qo‘yib yuborish niyatida emas.
Joriy mavsumda futbolchi Germaniya chempionatida “Bavariya” safida 11 ta o‘yin o‘tkazdi va ularning aksariyatida o‘yinning oxirlarida zaxiradan maydonga tushdi. Futbolchi hisobida samarali harakatlar yo‘q.
Myunxenning “Bavariya” klubi 17 uchrashuvda 36 ochko to‘pladi va Germaniya Bundesligasining 2022/2023 yilgi mavsumdagi turnir jadvalida birinchi o‘rinni egallab turibdi.