"Астон Вилла" ярим ҳимоячиси Филиппе Коутиньо қишки трансфер ойнасида жамоани тарк этишни истамаяпти, деб хабар беради Sky Sports.
30 ёшли футболчи янги бош мураббий Унаи Эмери қўл остида ҳеч қачон Премьер-лига ўйинини асосий таркибда бошламаган. Унда ҳозир "Коринтианс"дан таклиф бор.
Бразилия клуби вакилларининг оммавий баёнотларига қарамай, Коутиньо ўз она чемпионатига қайтишни истамаяпти.
“Астон Вилла” Коутиньони ёзда “Барселона”дан 20 миллион евро эвазига сотиб олган эди. У жорий мавсумда 19 ўйинда иштирок этди.