"Атлетико" ярим ҳимоячиси Родриго Де Пауль Испания кубоги чорак финалида "Реал"га қарши ўйин натижаси (1:3) адолатсиз эканлигини, чунки бош ҳакам "қаймоқранглилар" ярим ҳимоячисига иккинчи сариқ карточкани кўрсатмаганини айтди.
"Биз жуда хафамиз, чунки бу адолатсиз натижа эди. Биз қўлимиздан келганини қилдик, лекин бу футбол. Вақт ҳамма учун бир хил ўтади, лекин бугун бошқача эди. 11га қарши 10 та ўйинчи ўйнаши жуда қийин.
Биз Себальосга иккинчи сариқ карточка берилиши керак эди, деб ҳисоблаймиз, бу аниқ. Ҳамма бир хил нарсани кўрди. Албатта, ҳаммамиз хато қилишимиз мумкин, аммо қарор бизнинг фойдамизга чиқишини истаргандик.
Бу адолатсиз натижа эди, жамоа ҳаракат қилди. Биз Чемпионлар лигаси учун курашишимиз керак, бу клубнинг асосий мақсади, бизни бир неча қийин ойлар кутиб турибди, аммо жамоа тайёр", - деди Де Пауль Marca билан суҳбатда.
