“Ювентус” ярим ҳимоячиси Уэстон Маккенни фаолиятини Англияда давом эттириши мумкин. Журналист Жанлука Ди Марционинг ёзишича, "Лидс" 24 ёшли америкалик учун таклифни оширган.
Инглиз клуби бонусларни ҳисобга олмаганда, 30 миллион евро тўлашга тайёр. Томонлар трансферни расмийлаштиришга яқин турибди.
Маккеннининг “Ювентус” билан амалдаги шартномаси 2025 йилнинг 30 июнига қадар тузилган. Transfermarkt портали футболчини 21 миллион еврога баҳоламоқда.
Маккенни жорий мавсумда барча мусобақаларда 21 та ўйинда майдонга тушиб, 3 та гол урди ва 1 та голли узатмани амалга оширди.
