“Yuventus” yarim himoyachisi Ueston Makkenni faoliyatini Angliyada davom ettirishi mumkin. Jurnalist Janluka Di Marsioning yozishicha, "Lids" 24 yoshli amerikalik uchun taklifni oshirgan.
Ingliz klubi bonuslarni hisobga olmaganda, 30 million yevro to‘lashga tayyor. Tomonlar transferni rasmiylashtirishga yaqin turibdi.
Makkennining “Yuventus” bilan amaldagi shartnomasi 2025 yilning 30 iyuniga qadar tuzilgan. Transfermarkt portali futbolchini 21 million yevroga baholamoqda.
Makkenni joriy mavsumda barcha musobaqalarda 21 ta o‘yinda maydonga tushib, 3 ta gol urdi va 1 ta golli uzatmani amalga oshirdi.













