"Рома" Николо Дзаньолога ултиматум қўйди.
Ярим ҳимоячи қишда "Рома"дан кетмоқчи. Унинг "Милан"га ўтмоқчи эканлиги хабар қилинганди, аммо "Рома" билан трансфер шартларини "Борнмут" келишиб олган. "Милан" инглизларнинг таклифини такрорлашга тайёр эмасди ва футболчи учун курашдан воз кечди.
Римликлар Дзаньолони фақат "Борнмут"дан трансфер қилиш борасида аниқ таклиф олди.
Correira Della Sport хабарига кўра, бу борада Николо "Рома"да қолиш ҳақида ўйламоқда, бироқ у ва клуб ўртасидаги муносабатлар бутунлай бузилган.
"Рома" хўжайинлари Ден ва Райан Фридкинлар "Борнмут" билан Дзаньоло учун музокараларда шахсан иштирок этишган ва футболчига нисбатан қаттиқ муносабатда бўлишган.
Николога ултиматум қўйилди. У ё "Борнмут"га ўтишга рози бўлиши ёки ёзгача "Рома"да қолиши керак. Фридкинлар Дзаньоло 2024 йилнинг ёзига қадар мўлжалланган шартномаси якунига қадар энди "Рома"да ўйнамаслигини ва бу вақтни трибунада ўтказишини истисно қилишмайди.
Аввалроқ, "Борнмут" ярим ҳимоячи учун 30+5 миллион евро, шунингдек, кейинги сотувнинг 10 фоизини таклиф қилгани маълум бўлганди.
23 ёшли ҳужумкор ярим ҳимоячи жорий мавсумда “Рома” сафида барча турнирларда 17 та ўйинда майдонга тушиб, 2 та гол ва 1 та голли узатмани амалга оширди.
