Нидерландиялик ҳужумчи Ваут Вегхорст "Манчестер Юнайтед"нинг тўлақонли футболчисига айланиши мумкин. Ҳужумчи айни дамда "қизил иблислар" сафида мавсум охиригача ижара асосида ўйнамоқда.
Manchester Evening News нашри хабарига кўра, агар у яхши ўйнаса, "қизил иблислар" футболчини келаси ёзда "Бёрнли"дан сотиб олиши мумкин. Вегхорст “Манчестер Юнайтед” сафида учта ўйин ўтказиб, битта гол урган.
Ўтказилган 20 учрашувдан сўнг "манкунианликлар" 39 очко жамғариб, турнир жадвалида тўртинчи ўринда бормоқда. Эрик тен Хаг шогирдлари пешқадам “Арсенал”дан 11 очкога ортда қолмоқда.
