Ҳамюртимиз Элдор Шомуродов яқин соатлар ичида "Рома"дан "Специя"га ўтиши кутилмоқда.
La Gazette Dello Sport нашри берган хабарларга кўра, Шомуродовнинг "Специя" сафига ўтиши эвазига римликлар уларнинг иқтидорли ўнг қанот ҳимоячиси Эмиль Хольмни ёзда қўлга киритиш имкониятига эга бўлади. Шу орқали римликлар Европанинг кўплаб клублари томонидан қизиқиш билдирилаётган футболчини ўз сафига қўшиб олади.
Хольм 22 ёшда. Швеция терма жамоаси аъзоси. Унинг "Специя" билан шартномаси 2026 йилгача тузилган. Transfermarkt порталида 2,50 миллион еврога баҳоланаётган футболчи жорий мавсумда жами 21 та ўйинда 1 та гол уриб, 2 та голли узатма берди.
Аввалроқ "Специя" Шомуродовнинг ижараси учун 1,5 миллион евро сарфлаши маълум бўлганди.
