Италия прокуратураси «Милан» футбол клубининг 2022 йилда Американинг RedBird Capital Partners сармоявий компаниясига сотилиши юзасидан текширув бошлади, деб хабар бермоқда Football Italia.
Ҳозирда ҳуқуқ-тартибот идоралари ходимлари битимнинг қонунийлигини текшириш мумкин бўлган ҳужжатларни йиғишмоқда.
Текширувга клубнинг собиқ миноритар акциядори Blue Skyeнинг шикояти сабаб бўлган. Blue Skye, «Милан» акцияларини сотиш қарорида улар эътиборга олинмаганига амин.
«Милан»нинг сотуви расман 2022 йил 31 августда якунланди. Клубнинг Red Bird Capital назоратига ўтган битими суммаси 1,2 миллиард еврони ташкил этди.
