"ПСЖ" бош мураббийи Кристофер Галтье дарвозабон Кейлор Наваснинг жамоани тарк этиши мумкинлиги ҳақида фикр билдирди.
“Кейлор ажойиб футболчи. У мавсум бошидан буён ўз фаолиятида намунали бўлиб келмоқда. Мен унга тўлиқ ишонаман. Раҳбарият ва президент у нима қилмоқчи эканлигини тинглаяпти. Жамоанинг ҳақиқий ҳолатини эртаси куни трансферлар якунланганидан кейин кўрамиз. Ҳозирча ҳеч қандай қарор қабул қилинмади", - дея Галтьенинг сўзларини келтиради L'Equipe.
Аввалроқ, 36 ёшли дарвозабон "Ноттингем" раҳбариятига жамоага ўтишга тайёрлигини айтгани ҳақида хабар берилганди.
Навас "ПСЖ"га 2019 йилнинг сентябрида келиб қўшилганди. Жорий мавсумда у француз клуби сафида 2 та ўйин ўтказиб, 1 та гол ўтказиб юборган.