"PSJ" bosh murabbiyi Kristofer Galtye darvozabon Keylor Navasning jamoani tark etishi mumkinligi haqida fikr bildirdi.
“Keylor ajoyib futbolchi. U mavsum boshidan buyon o‘z faoliyatida namunali bo‘lib kelmoqda. Men unga to‘liq ishonaman. Rahbariyat va prezident u nima qilmoqchi ekanligini tinglayapti. Jamoaning haqiqiy holatini ertasi kuni transferlar yakunlanganidan keyin ko‘ramiz. Hozircha hech qanday qaror qabul qilinmadi", - deya Galtyening so‘zlarini keltiradi L'Equipe.
Avvalroq, 36 yoshli darvozabon "Nottingem" rahbariyatiga jamoaga o‘tishga tayyorligini aytgani haqida xabar berilgandi.
Navas "PSJ"ga 2019 yilning sentyabrida kelib qo‘shilgandi. Joriy mavsumda u fransuz klubi safida 2 ta o‘yin o‘tkazib, 1 ta gol o‘tkazib yuborgan.













