Дортмунднинг "Боруссия" клуби ярим ҳимоячиси Эмре Жан 2018 йилда "Ливерпул"дан "Ювентус"га ўтганидан сўнг саратон касаллиги аниқлангани ҳақида гапирди.
“Менда қалқонсимон без касаллиги бор эди ва шошилинч жарроҳлик амалиётига муҳтож эдим. Бу менинг ҳаётимда жуда кўп нарсани ўзгартирди. Сизда кўп пул бўлиши мумкин, сизда ҳамма нарса бўлиши мумкин, лекин соғлиқ энг муҳими. Бу ҳаётнинг бир қисми ва мен ҳаммага тестдан ўтишни маслаҳат бераман. Инсон ўзини қанчалик соғлом деб ҳисобламасин, агар муаммо ҳақида ўз вақтида билсангиз, ҳаракат қилишингиз мумкин.
“Ювентус” шифокорларидан миннатдорман. Клубдаги жисмоний машғулотимдан икки ой ўтгач, менга қўнғироқ қилишди. Мен нима бўлаётганини билмасдим, ҳатто қалқонсимон без нима эканлигини ҳам билмасдим ва саратон касаллигим бор деб ўйламаган бўлардим", - дея Жаннинг сўзларини келтиради Goal.com.
