Фабрицио Романонинг хабар беришича, "Шахтёр"га тегишли "Лион" вингери Тете "Лестер"га трансферини якунламоқда.

Қайд этилишича, бразилиялик аллақачон тиббий кўрикдан ўтиш ва шартнома имзолаш учун Англияга учиб кетган.

Хабарларга кўра, келишув кеча ёпилган.

Daily Mail хабарига кўра, "Лестер" Тете учун "Шахтёр"га 3,4 миллион евро таклиф қилишга тайёр. Transfermarkt футболчини 25 миллионга баҳоламоқда. "Кончилар" билан тузилган унинг шартномаси шу йил охирида тугайди.

22 ёшли бразилиялик футболчи жорий мавсум “Лион” сафида 19 та ўйинда майдонга тушди. Унинг ҳисобида 6 та гол ва 5 та голли узатма бор.