Нидерландия ўтаётган «Tata Steel Chess-2023» шахмат мусобақасида бугун 12-тур баҳслари ўтказилмоқда.

"Мастерс" гуруҳида иштирок этаётган Нодирдек Абдусатторов АҚШ вакили Со Уэсли (2760) билан қора доналарда ўйнади. Баҳс бошиданоқ томонлар эҳтиёткор ўйин намойиш этишди ва фигураларни тез алмаштиришди. Натижада баҳс дуранг билан якунланди.

Натижада ҳамютимизнинг очколари 8 тага, Уэслининг очколари эса 7 тага етди. Нодирбекнинг рақиблари Аниш Гири (Нидерландия) ва Магнус Карлсен (Норвегия)нинг ўйинлари ҳали якунланмади. Кўп эҳтимол билан улар ҳам мазкур турда дуранг қайд этишади.

Абдусатторов 29 январь, якшанба куни сўнгги тур доирасида Жорден Ван Фореест (Нидерландия, 2681) билан тўқнаш келади. Мазкур баҳсдаги ғалаба ватандошимизга мусобақа ғолиблигини тақдим этади.