«Манчестер Юнайтед» бош мураббийи Эрик тен Хаг «Барселона» ярим ҳимоячиси Френки де Йонгни қўлга киритиш учун яна уриниб кўришга тайёр.
Бу ҳақда Barca Universal ўзининг Твиттерида хабар берди. Голландиялик мутахассис ёзда 25 ёшли футболчининг трансфери бўйича яна бир марта уриниб кўришга тайёр.
Қайд этилишича, футболчининг ўзи Тен Хаг билан шахсий суҳбатда унга 2023 йилнинг ёзида «манкунианликлар» лагерига қўшилишга тайёрлигини тан олган.
Френки «Барселона»га 2019 йилнинг ёзида «Аякс»дан келиб қўшилган эди. Ярим ҳимоячи жорий мавсумда барча турнирларда 23 та ўйинда майдонга тушиб, 2 та гол уришга эришди.
