Шанба куни “Айнтрахт” Германия чемпионати доирасида “Бавария”га қарши сафарда майдонга тушди. Франкфуртликлар Мюнхенда очко олишга муваффақ бўлишди - ўйин 1:1 ҳисобида якунланди.
Ҳимоячи Макото Хасебе сўнгги ўйинда "Айнтрахт" сафида 90 дақиқа ўйнади. Япониялик "бургутлар" тарихидаги Бундеслигадаги энг кекса футболчига айланди, дея хабар беради клуб матбуот хизмати. Хасебе 39 ёшу 10 кунлигида майдонга тушган.
Айни пайтда “Айнтрахт” Германия чемпионати турнир жадвалида 5-ўринни эгаллаб турибди. Жамоа навбатдаги ўйинни 4 феврал куни ўз майдонида "Герта"га қарши ўтказади.
