Tuttomercatoweb хабарига кўра, "Милан" ва "Ювентус" "Арсенал" ҳимоячиси Киран Тирнини сотиб олмоқчи.
Аввалроқ ОАВда "канонирлар" "Реал Мадрид" тарбияланувчиси бўлган "Вальядолид" ҳимоячиси Иван Фреснедани сотиб олмоқчи экани ҳақида хабарлар тарқалган эди. Агар келишув амалга ошса, Тирнидан ташқари лондонликлар сафида чап қанот ҳимояси учун яна учта футболчи даъвогарлик қилади: Такехиро Томиясу, Александр Зинченко ва Фреснеда. Бу ҳолатда "Арсенал" шотландияликни трансферга қўйиши, "Ювентус" ва "Милан" эса уни ўз сафига қўшиб олишга ҳаракат қилишлари эҳтимоли катта.
Киран Тирни жорий мавсумда Англия Премьер-лигасида 15 марта майдонга тушди, аммо гол ура олмади.
