“Брайтон” “Ливерпул”ни 2:1 ҳисобида мағлуб этиб, Англия кубоги 1/8 финалига йўл олди. Ўйиндан сўнг "чайкалар" бош мураббийи Роберто де Зерби ўз фикрларини билдириб ўтди. Италиялик мутахассис жамоасининг муваффақиятига омад сабаб бўлганини тан олди.
“Биз унчалик яхши ўйнамадик. Ўйиннинг айрим қисмларида омадимиз келди. "Ливерпуль" яхши ўйин ўтказди.
Мен бу жамоа билан ишлаганимдан бахтиёрман. Бу ерда жуда ақлли ўйинчилар бор ва мен ҳеч қандай муаммосиз позицияларни ўзгартира оламан", деди де Зерби.
"Брайтон" навбатдаги ўйинини 4 феврал куни ўтказади. Роберто де Зерби шогирдлари АПЛ доирасида "Борнмут"ни қабул қилади.
