Жорий мавсумда Гави "Барселона" сафида 100 та ўйин ўтказган тарихидаги энг ёш футболчига айланиши мумкин. У 2021 йилнинг августидаги дебютидан бери клуб сафида 75 та ўйинда майдонга тушди.

Ажабланарлиси, 100та ўйин ўтказган энг ёш каталониялик футболчи ҳозирда Лео Месси эмас. Бир пайтлар жуда иқтидорли кўринган Боян Кркич бу маррага испаниялик 19 ёшу 2 ойлик бўлганида эришган. Кейинги ўринда Педри, у 100-ўйин вақтида 20 ёшда эди. Месси эса кучли учликни ёпади - аргентиналик футболчи 20 ёшу 8 ой ва 3 кунлигида “блауграна” сафидаги 100-учрашувини ўтказган.

Аммо Гави учаласини ҳам ортда қолдира олади! Ҳозир ярим ҳимоячи 18 ёшда, у август ойида 19 ёшга тўлади. Агар у Ла Лиганинг қолган барча ўйинларида (20), шунингдек, Қироллик Кубоги ва Европа Лигасида иштирок этса, мавсум охиригача "кўк-анорранглилар" футболкасида 100-ўйинини ўтказиши мумкин.