Хвича Кварацхелия А серияда яна бир самарали ҳаракатини амалга оширди.
"Наполи"нинг 21 ёшли ҳужумкор ярим ҳимоячиси 20-турда "Рома"га қарши ўйинда (2:0) ҳужумчи Виктор Осимхенга голли пас берди.
Ҳозирда Грузия терма жамоаси қанот ҳужумчиси Италия чемпионатининг 16 учрашувида “гол+пас” тизими бўйича 15 (7+8) очко жамғарган.
Хвича бу кўрсаткич бўйича “Аталанта” аъзоси Адемола Лукманга (12+3) етиб олди, фақат Осимхен улардан 17 (14+3) очко билан олдинда.
Ассистентлар рўйхатида Кварацхелия "Лацио" ярим ҳимоячиси Сергей Милинкович-Савич билан биринчи ўринни бўлишиб турибди.
