Италия А Сериясининг 20-туридан ўрин олган сўнгги ўйинда «Наполи» «Рома»ни ўз майдонида қабул қилиб, Жованни Симеоненинг голи эвазига ғалабани қўлга киритди.
Скудетто учун курашда рақибларидан борган сари узоқлашиб бораётган жамоа ярим ҳимоячиси Ирвинг Лосано баҳс ҳақида фикр билдирди.
«Бугун жуда яхши ҳаракат қилдик, жамоада соғлом рақобат бор, бу эса футболчиларни рағбатлантиради.
Жамоа ғалаба қозонар экан, ким гол уришининг аҳамияти йўқ. Судеттога келсак, у ҳали узоқда, биз Скудетто ҳақида эмас, кейинги ўйин ҳақида ўйлашимиз керак», - деди Лосано.
