"Реал" бош мураббийи Карло Анчелотти Испания чемпионатининг 19-тури доирасида бўлиб ўтган «Реал Сосьедад»га қарши бўлиб ўтган ўйиндан (0:0) кейин жамоасининг чемпионлик учун курашдаги имкониятларига баҳо берди.

«Бугун биз жуда яхши ўйнадик ва ғалабага ҳақли эдик. Жамоанинг ўйини яхшиланиб бормоқда. Тўп билан ва тўпсиз яхши ишладик. Яхши ўйин ўтказдик, аммо гол етишмади. Ваҳоланки, голга жуда яқин келгандик. Жамоа яхши ўйнагани учун дурангдан қониқиш ҳосил қилдим.

"Атлетико"га қарши бўлиб ўтган 120 дақиқалик ўйиннинг таъсири бугун сезилмади. Футболчилар ўйин охиригача майдонда фаол бўлишди.

Биз 5 очко ортда қоляпмиз. Етиб олишимиз керак. «Барселона» жорий мавсумда жуда яхши иштирок этмоқда, аммо олдинда ҳали олис йўл бор.

Январь биз учун беқарор бўлди, аммо жамоа ўсишда давом этади. Биз охиригача курашамиз», – деди «Реал» устози.