Италия А Сериясининг 20-туридан ўрин олган сўнгги ўйинда «Наполи» «Рома»ни қабул қилиб, Жованни Симеоненинг голи эвазига ғалабани қўлга киритди.
«Наполи» футболчиси жамоа бош мураббийи Лучано Спалетти томонидан майдонга туширилганидан ўн дақиқа ўтиб гол урди.
«Ажойиб ўйин ўтказдик, бироқ баҳсни эртароқ якунлашимиз мумкин эди. Бизда жуда кучли жамоа ва ўйин услуби бор.
Лекин мен барибир бахтлиман. Биз жуда ҳамжиҳатмиз, мухлислар, ўзимизга бўлган ишонч, бу омилларнинг барчаси жамоани янада кучли қилади», - дея футболчининг сўзларини келтиради calcionapoli1926.it.
Кейинги турда «Наполи» сафарда «Специя» билан ўйнайди.
