Italiya A Seriyasining 20-turidan o‘rin olgan so‘nggi o‘yinda «Napoli» «Roma»ni qabul qilib, Jovanni Simeonening goli evaziga g‘alabani qo‘lga kiritdi.
«Napoli» futbolchisi jamoa bosh murabbiyi Luchano Spaletti tomonidan maydonga tushirilganidan o‘n daqiqa o‘tib gol urdi.
«Ajoyib o‘yin o‘tkazdik, biroq bahsni ertaroq yakunlashimiz mumkin edi. Bizda juda kuchli jamoa va o‘yin uslubi bor.
Lekin men baribir baxtliman. Biz juda hamjihatmiz, muxlislar, o‘zimizga bo‘lgan ishonch, bu omillarning barchasi jamoani yanada kuchli qiladi», - deya futbolchining so‘zlarini keltiradi calcionapoli1926.it.
Keyingi turda «Napoli» safarda «Spesiya» bilan o‘ynaydi.
