TransferRoom tahliliy platformasi 2026 yilgi jahon chempionati ishtirokchilari orasidagi eng tezkor futbolchilar reytingini e’lon qildi. Reyting o‘yinchilarning so‘nggi bir yil davomida qayd etgan eng yuqori tezlik ko‘rsatkichlari asosida tuzilgan.
Reytingga Angliya terma jamoasi va «Barselona» vingeri Entoni Gordon peshqadamlik qildi. 25 yoshli futbolchi soatiga 36,7 kilometr tezlik ko‘rsatgan. Ikkinchi o‘rinni Iroq terma jamoasi yarim himoyachisi, «El-Vajba» klubi a’zosi Ahmad Qosim (36,0 km/soat) egalladi. Uchinchi pog‘onadan Norvegiya terma jamoasi va «Manchester Siti» hujumchisi Erling Xoland (35,6 km/soat) joy olgan.
O‘zbekiston terma jamoasi va «Manchester Siti» himoyachisi Abduqodir Husanov 35,5 km/soatlik natija bilan to‘rtinchi o‘rinni band etdi.
JCH-2026ning eng tezkor 10 nafar futbolchisi:
-
Entoni Gordon (Angliya), «Barselona» — 36,7 km/soat
-
Ahmad Qosim (Iroq), «El-Vajba» — 36,0 km/soat
-
Erling Xoland (Norvegiya), «Manchester Siti» — 35,6 km/soat
-
Abduqodir Husanov (O‘zbekiston), «Manchester Siti» — 35,5 km/soat
-
Matias Fernandes-Pardo (Belgiya), «Lill» — 35,5 km/soat
-
Kilian Mbappe (Fransiya), «Real» — 35,5 km/soat
-
Pedru Netu (Portugaliya), «Chelsi» — 35,5 km/soat
-
Olvetu Maxanya (Janubiy Afrika Respublikasi), «Filadelfiya» — 35,4 km/soat
-
Entoni Elanga (Shvesiya), «Nyukasl» — 35,4 km/soat
-
Jeykob Shaffelberg (Kanada), «Los-Anjeles» — 35,4 km/soat.
Eslatib o‘tamiz, O‘zbekiston terma jamoasi 2026 yilgi jahon chempionatidagi ilk uchrashuvini 17 iyun kuni Kolumbiyaga qarshi o‘tkazadi. Bahs Meksika poytaxtida joylashgan afsonaviy «Asteka» stadionida bo‘lib o‘tadi.
