«Manchester Siti» himoyachisi, o‘tgan mavsumni ijara asosida «Jirona»da o‘tkazgan Vitor Reys Ispaniyada qolishi mumkin. Bu haqda Sport.es jurnalistlari xabar bermoqda.

Manbaning ma’lum qilishicha, kataloniyaliklarning «Barselona» klubi futbolchini o‘z safiga qo‘shib olishga qiziqish bildirmoqda. «Ko‘k-anorranglilar» ustozi Xans-Diter Flik ushbu o‘yinchini o‘z jamoasida ko‘rishni istamoqda.

La Liga chempioni Reysni sotib olish huquqi bilan ijaraga olishni rejalashtiryapti. 20 yoshli himoyachining bozor bahosi 30 million yevroga baholanmoqda.

Ispaniya chempionatining yakunlangan mavsumida Vitor 36 ta uchrashuvda maydonga tushdi. Himoyachi o‘z hisobiga 1 ta gol va 1 ta golli uzatma yozdirib qo‘ygan, shuningdek, 8 ta sariq kartochka olib, bir bor maydondan chetlatilgan.