Madridning «Real» klubi himoyachisi Alvaro Karreras Londonning «Chelsi» klubi a’zosiga aylanishi mumkin. Bu haqda Diario AS nashri xabar bermoqda.
Manbaning ishonch bildirishicha, Mark Kukurelya sotib olinganidan so‘ng, Madrid klubi Karrerasni sotib yuborishga tayyor. «Qaymoqranglilar»ning yangi bosh murabbiyi Joze Mourinyu Kukurelyaga zaxira sifatida Fran Garsiyadan foydalanishga qarshi emas.
Eslatib o‘tish joizki, shu yozda «Chelsi» klubi boshqaruviga muqaddam «Real»da faoliyat yuritgan Xabi Alonso keldi.
2025 yilning yozida «qirollik klubi» 23 yoshli Karrerasni «Benfika»dan 50 million yevro evaziga sotib olgan edi. U jamoa tarkibida barcha musobaqalarda 40 ta o‘yinda maydonga tushib, 2 ta gol urdi va 3 ta golli uzatmaga mualliflik qildi.
