"Реал" бош мураббийи Карло Анчелотти январь ойидаги трансфер ойнасининг қолган 48 соатида ҳеч қандай шартнома имзолашни режалаштирмаётганини тасдиқлади.
Эслатиб ўтамиз, "қироллик клуби" бу ойда бирорта ҳам битим тузмаган.
"Реал" учун трансфер бозори ёпиқ. Ҳеч ким келмайди, ҳеч ким кетмайди. Январь ойида биз учун ҳеч нарса ўзгармайди", - деди Анчелотти матбуот анжуманида.
Эслатиб ўтамиз, аввалроқ Анчелотти январь ойида раҳбариятдан таркибни кучайтиришни талаб қилгани ҳақида миш-мишлар тарқалган эди, аммо клуб раҳбарияти италияликнинг илтимосини қаноатлантирмагани айтилганди.
Кеча "Қироллик клуби" Ла Лига чемпионлиги учун курашда "Реал Сосьедад" билан дуранг ўйнаб, ўзларига қийинчилик туғдирди. Пешқадам “Барселона” билан орадаги фарқ энди 5 очкога етди.
