"Бенфика" ярим ҳимоячиси Энцо Фернандес фаолиятини "Челси"да давом эттириши мумкин, дея хабар беради журналист Фабрицио Романо.
Манбага кўра, ҳозирда томонлар амалга ошиши мумкин бўлган келишувни муҳокама қилмоқда. Бугун музокараларда ҳал қилувчи бўлиши кутилмоқда.
Аввалроқ, журналист Давид Орнштейн Лондон клуби 22 ёшли аргентиналик футболчининг трансфери бўйича музокараларда сезиларли муваффақиятга эришгани ҳақида хабар берганди. Трансфер суммаси 120 миллион евро бўлиши кутилмоқда.
Фернандес жорий мавсумда “Бенфика” сафида 29 та ўйинда майдонга тушиб, 4 та гол урди ва 7 та голли узатмани амалга оширди.
