Италиянинг "Рома" клуби тез орада ўз сафига Англия Премьер-лигасидан марказий ҳимоячи қўшиб олиши мумкин.
Журналист Фабрицио Романонинг сўзларига кўра, "Бўрилар" "Лидс" футболчиси Диего Льорентени ижарага олишга яқин турибди.
Айни пайтда клублар яқин соатларда шартнома тузиш устида фаол ишламоқда. Льоренте сотиб олиш ҳуқуқи билан "Рома"га ижарага ўтиши керак.
Эслатиб ўтамиз, декабрь ойи охирида Льоренте "Лидс" билан шартномасини узайтирган эди, аммо шунга қарамай, "товуслар" раҳбарияти тажрибали испаниялик футболчини Жозе Моуриньо жамоасига қўйиб юборишга тайёр.
Жорий мавсумда Льоренте Англия Премьер-лигасида 8 та ўйинда майдонга тушиб, самарали ҳаракатлари билан ажралиб турмади.
