"Бавария" қишки трансфер ойнаси тугагунга қадар "Манчестер Сити" ҳимоячиси Жоау Канселони қўлга киритиш борасида музокаралар олиб бормоқда.
Manchester Evening News нашри хабарига кўра, шартнома жорий мавсум охиригача 70 миллион еврога сотиб олиш имконияти билан ижара сифатида расмийлаштирилади.
Канселунинг "шаҳарликлар" сафини тарк этишига асосий сабаб - бош мураббий Хосеп Гвардиола билан зиддият ва ўйин амалиётининг камлиги. ЖЧдан кейинги танаффусдан кейин ҳимоячи тез-тез захирада қолди ва Премьер-лиганинг сўнгги икки учрашувида ҳамма майдонга ҳам тушмади.
Жоау Канселу 2019 йилнинг ёзида "Ювентус"дан 65 миллион евро эвазига "Манчестер Сити"га ўтган эди. Жорий мавсумда футболчи барча турнирларда 26та ўйинда майдонга тушди, у 2та гол ва 5та голли узатмани амалга оширди.
