Флорьян Товен Европага қайтди. Қишки трансфер ойнасининг сўнгги кунида "Удинезе" 30 ёшли ҳужумкор ярим ҳимоячи билан шартнома имзолаганини эълон қилди.
Франциялик футболчи 2025 йилнинг ёзигача мўлжалланган шартнома имзолади.
Охирги бир ярим йил давомида Флорьян Товен Мексиканинг "Тигрес" жамоасида ўйнади. Ярим ҳимоячи аввалроқ Европанинг бир қатор клублари, жумладан, “Марсель” ва “Ньюкасл” жамоалари шарафини ҳимоя қилган.
Айни дамда “Удинезе” Италия чемпионати турнир жадвалида 7-ўринда бормоқда. “Оқ-қоралар” навбатдаги учрашувни 5 февраль куни “Торино”га қарши ўтказади.
