Голливуд юлдузи Риз Уизерспун Лондоннинг "Арсенал" клубига сармоя киритмоқчи. Оскар совриндори бу ҳақда фикр билдирди.
"Премьер-лига клубига сармоя кирита оламанми? Агар "Арсенал"да шундай имконият бўлганида, ўғилларим ва барчамиз жуда хурсанд бўлган бўлардик. Бу бизнинг севимли жамоамиз. Куни кеча биз "Арсенал"нинг ўйинини томоша қилдик" - деди Уизерспун One Show билан суҳбатда.
Айтиш жоизки, Риз Уизерспун МЛСда иштирок этаётган "Нэшвилл" клубининг улушига эга.
Риз Уизерспун - жуда машҳур америкалик актриса. Унинг фаолиятидаги асосий ютуқ "Қонуний блондинка" фильмидаги роли бўлди.
"Арсенал" ҳозирда Премер-лигада пешқадамлик қилмоқда.
