"Барселона" бош мураббийи Хави мавсум қайта бошланганидан сўнг жамоанинг ўйини ёқяптими, деган саволга жавоб берди.
"Биз тўртта ўйинда яхши ўйнадик, иккита ўйинда унчалик яхши ўйнамадик. "Эспаньол"га қарши жуда яхши ўйнадик, аммо ғалаба қозона олмадик. “Жирона”га қарши ўйинда эса яхши ўйнамадик, аммо ғалаба қозондик.
Бизнинг мақсадимиз ҳар доим "Реал"га қарши ўйнагандек ўйнаш. Бу ажойиб ўйин бўлди. Ҳозир ҳамма жамоалар учун қийин, "Ливерпуль", "Бавария" ёки "Милан"га қаранг", — деди Хави матбуот анжуманида.
Эслатиб ўтамиз, яқинда "Барселона" Испания Суперкубоги финалида "Реал"ни 3:1 ҳисобида мағлуб этганди.
