“Насаф” – “Бухоро” (2:0) учрашувидан кейинги матбуот анжуманида қаршиликлар устози ОАВ ходимлари саволларига жавоб қайтарди.
 
— Ўйин кутилганидек осон кечмади. Рақибимиз ҳам имкон борича бизга қаршилик кўрсатишга ҳаракат қилди. Ўйиндан олдин ўз дарвозамиз дахлсизлигини сақлаган ҳолда камида иккита тўп киритишни мақсад қилгандик. Бунга эришдик. Аммо ўйин давомида бундан ташқари яна бир неча бор гол уриш имконияти бўлди. Шунга қарамай натижада кўнглим тўлди.
 
— Жиямуродов сўнгги пайтларда майдонга туширилмаяпти?
—Нафақат Жиямуродов бошқа бир ҳимоячимиз Шерзод Аъзамовда ҳам жиддий жароҳат мавжуд. Аъзамов яқин кунларда жарроҳлик столига ётқизилади. Жиямуродов ҳам айни пайтда Тошкентдаги шифохоналардан бирида соғлигини тиклаш билан банд.
 
— Шишелов бугун пеналтини аниқ амалга ошира олмади. Умуман жамоада “штат”даги пенальтичи ким?
— Аслида Геворкян бу вазифани бажариши лозим эди. Аммо Шишелов бу кеча гол уриш учун роса ҳаракат қилди. Аммо омади келмади. Лекин мен ушбу ҳужумчидан кўнглим тўқ. Жуда талабчан ва ҳаракатчан ҳужумчи. Умид қиламанки, у ҳали бизга кўплаб ўйинларда ёрдам беради.
 
— “Бухоро” ўз майдонида ҳужумкор ўйин кўрсатиши аниқ. Жавоб ўйнида жамоангиз қарши ҳужумда ҳаракат қиладими ёки...
— Йўқ. Биз жавоб ўйинида ҳам худди бугунгидек ўйин кўрсатамиз. “Бухоро”га қарши қарши ҳужумда тўп тепиш режамизда йўқ.